Te tono tauatanga
Te tono tauatanga
Ka rite ana te whānau ki te tono mō te tauatanga o te whenua, whakapā atu ki ngā kaimahi o te Kōti Whenua Māori — mā rātou koe e āwhina ki te whakarite i tō tono.
E taea ana e koe tō pukatono te tuku:
- mā te mēra
- ki te haere tinana atu koe ki te tari o te Kōti Whenua Māori (MLC).
Mehemea e taea ana, haere tinana atu ki te tuku. He wā ki a koe ki te kōrero ki ngā kaimahi ki te Kōti Whenua Māori ki te whiriwhiri kei a koe ngā mea katoa i mua i te tuku atu.
He aha te utu
E $60 te utu ki te tono tauatanga. Me utu i te wā ka tuku atu. Ka āhei te utu mā te:
- moni
- haki
- utu ā-hiko.
Tērā pea mā te whakawhiti pēke – he pai tēnei mehemea e noho ana koe ki tāwāhi. Kōrero atu ki ngā kaimahi ki te Kōti Whenua Māori ki te whakarite mehemea koinei te kōwhiringa pai māu.
Mehemea e pīrangi āwhina ana ki te waha i te utu o tō pukatono, kōrero anō ki tētahi kaimahi ki te Kōti Whenua Māori. I runga anō i ngā āhuatanga, tērā pea ka whiwhi i te whakahekenga utu, i te utu kore rānei. Ki te pērā, me whakakī puka anō e tono ana kia tautokohia koe, ā, me tāpiri ki te taha o tō pukatono tauatanga.
Puka A1 – He tono kia whakakore utu, whakaiti utu, whakahoki utu [PDF, 191 KB]
Mehemea he kāri Supergold, he kāri Ratonga Hapori rānei, haria atu me tō pukatono. Ka whiwhi pea koe i te kore utu, whakahekenga utu rānei ki te mau koe i tō kāri.
Mehemea kāore anō tō pukatono kia oti
Ka hoatu tō pukatono, ka tirohia e te Kōti Whenua Māori mehemea kua whakakapia e koe ngā mea katoa.
Ki te mahue tētahi mea ki roto i tō pukatono – kua wareware pea koe ki te tāpiri i tētahi pukapuka, hei tauira – ka whakahokia tō tono me tō utu e te Kōti Whenua Māori. Ka oti pai i a koe tō pukatono, tukua anōtia me tō utu.
