Te takatū ki te tono kairīwhitanga
Te takatū ki te tono kairīwhitanga
Mehemea kei te hiahia koutou ko tō whānau ki te whai i te ara ki te kairīwhitanga, koinei ngā mahi tuatahi. Ki te hia āwhina koe, mā ngā kaimahi a te Kōti Whenua Māori koe e āwhina.
Whakaemihia ngā kōrero mō ngā tāngata katoa o te whānau e whakaarohia ana e koe ka whai take ki te tauatanga. Whakamaua ngā ingoa (me ngā wāhi noho ki te taea) o ēnei:
- ngā tamariki o te mema whānau i mate
- ngā tamariki whāngai e hiahiatia ana e te whānau kia whai pānga atu ki roto i te tono tauatanga
- ngā tamariki whāngai ā-ture ki roto i te whānau
- ngā tāngata whānui o te whānau o te mema whānau i mate e whakaarohia ana e koe kia whai pānga atu ki te tauatanga, pērā ki ō rātou tuākana tāne wahine, tēina tāne wahine, tae noa ki ngā irāmutu.
Tuhia hoki ngā mōhiohio mō tā rātou hoa rangatira, hoa pūmau hoki mehemea he hoa tā rātou. Ka whai pānga atu pea ki te whenua i te wā e ora ana rātou.
