Ngā rongonga whakatū kairīwhi a te Kōti Whenua Māori
Ngā rongonga whakatū kairīwhi a te Kōti Whenua Māori
He kōti pupuri kōrero te Kōti Whenua Māori. Ko tā rātou mahi, he whakatakoto i ngā kōrero tika e pā ana ki ngā kaipupuri whenua Māori me ō rātou whenua. Ko tētahi wāhi o tērā mahi, he whakahaere rongonga mō ngā tono a ngā whānau e pā ana ki te kairīwhitanga o te whenua.
Ka mutu tō rongonga, ka tuhia e te Kōti Whenua Māori tētahi "meneti kōti", he tuhinga ōkawa mō tō rongonga. E mea ana te tuhinga nei:
- he whakarāpopototanga o tō pukatono me tō tāpaetanga hukihuki
- he kōrero ā-tuhi o ngā kōrero i puta i tō rongonga
- he whakahau nā te tiati.
Ehara tēnei i te pukapuka ā-ture mō tō tauatanga – he whakamau ā-tuhi kē o te rongonga. Ka whiwhi koe i tētahi kape o te meneti kōti mā te mēra i muri mai i tō rongonga. Mehemea kāore e tae atu i roto i te marama, whakapā atu ki tō kaiārahi mō ngā whakamārama.
Ka whakapūmautia tō pukatono tauatanga, ā, ka whakauru ki ngā mauhanga o te Kōti Whenua Māori e rua marama pea i muri i tō rongonga. Ka pēnei kia whai wā te whānau, ētahi atu rānei ki te tohe i ngā whakahau a te tiati.
Kimihia ngā whakamārama mō te whakarite tohe ki te Kōti Whenua Māori
Ko te whiwhi kupu ōkawa mō tō tauatanga
Ka whakapūmautia tō tauatanga, ka whakahoungia e te Kōti Whenua Māori ngā mauhanga kaipupuri mō tō whenua, ā, ka āhei koe ki te kimi i tērā i runga i a Māori Land Online (MLOL).
Ka tuku atu te Kōti Whenua Māori i tētahi kape o te mauhanga ōkawa mō tō tauatanga. E mea ana tēnei ko te "Ōta Kōti". Ka hora te whakatau ā-ture mō tō tauatanga i whakatauhia e te Tiati, ā, ka pane ki te hīra a te kōti.
Whakamaua paitia ngā pukapuka mō tō tauatanga – he wā ka pīrangitia e tō whānau.
