Tūhono
Te tū hei kairīwhi whenua Māori
Ko te kairīwhitanga te tukanga e whakawhiwhia te tangata ki tōna whenua. Me he kaipupuri whenua koe, ko koe hoki te kaitiaki o taua whenua — kua whai wāhi koe ki tētahi tikanga tuku iho. Kei te tiaki, kei te whakamarumaru hoki koe i te whenua hei taonga tuku iho mā ā tātou tamariki, mokopuna.
He aha te kairīwhitanga?
Ko te kairīwhitanga te whakawhiwhinga o ngā pānga, o ngā hea rānei o ngā whenua Māori ki te whānau i muri atu i te matenga o te kaipupuri whenua. He tukanga ōkawa tēnei nā te Kōti Whenua Māori.
Ko wai te hunga e āhei ana ki te tū hei kairīwhi o te whenua
Kei Te Ture Whenua Māori Act 1993 ngā kōrero mō te hunga e āhei ana, me te hunga e kore e āhei ki te tū hei kairīwhi whenua.
Te takatū ki te tono kairīwhitanga
Mehemea kei te hiahia koutou ko tō whānau ki te whai i te ara ki te kairīwhitanga, koinei ngā mahi tuatahi. Ki te hia āwhina koe, mā ngā kaimahi a te Kōti Whenua Māori koe e āwhina.
Te tono tauatanga
Ka rite ana te whānau ki te tono mō te kairīwhitanga o te whenua, whakapā atu ki ngā kaimahi a te Kōti Whenua Māori — mā rātou koe e āwhina ki te whakarite i tō tono.
Ngā rongonga whakatū kairīwhi a te Kōti Whenua Māori
He kōti pupuri kōrero te Kōti Whenua Māori. Ko tā rātou mahi, he whakatakoto i ngā kōrero tika e pā ana ki ngā kaipupuri whenua Māori me ō rātou whenua. Ko tētahi wāhi o tērā mahi, he whakahaere rongonga mō ngā tono a ngā whānau e pā ana ki te kairīwhitanga o te whenua.
Te whakawhiti atu i te mana pupuri o te whenua mā te takoha, mā ngā rōpū kaitiaki ā-whānau rānei
Ko te whakatū rōpū kaitiaki ā-whānau, ko te takoha hea o te whenua Māori rānei tētahi atu ara hei tiaki i te whenua i muri atu i tō matenga.
Ko te whakamōhio atu i tō tauatanga ki te whānau
Ka tū koe hei kairīwhi, kei te tū hoki koe hei kaitiaki o te whenua me te mātauranga i riro i a koe i tō ara ki te kairīwhitanga. He taonga tēnā mātauranga hei tuku atu ki te whānau i te wā e whai ana rātou i tō rātou ara ki te kairīwhitanga.
